夢,不是要趁後生去追嗎?/黃暐璁

黃暐璁,香港年青精英運動員,香港半馬青年紀錄保持者,半馬最佳時間是1:12:01/02(2017年日本香川丸龜半馬,晶片時間及大會時間差一秒),目前就讀於港大護理系。

——————-

「唔好向負面諗(指覺得業餘訓練難以成功的想法)。你在逆境中(指業餘運動員)求存並能突破自己。應該比其他人更自豪。」

「業餘運動員一樣可以做得好出色,亦有可能更受尊重。」

但我寧願唔受尊重,我都想去到奧運,呢個就係我既想法。

「唔洗全職訓練,業餘訓練都可以跑得好好,你睇下邊個邊個,返住工跑都跑得好出色。」

我地唔係想做一批出色既運動員,我地係想做第一批代表香港去奧運馬拉松的男子運動員。

「你可以一邊訓練一邊工作,到適當時候轉全職。」

你講得好岩,係可以咁樣做。但馬拉松真正光輝期其實只係25-35歲左右,有30歲以上才創高峰的人,但事實上更多人30歲後因為傷患所以玩完。

唔好再舉35歲後仍然表現突出既運動員比我聽,因為35歲後無法再跑返以前成績、甚至逼於無奈退役既人更多"

「點解你覺得去奧運就一定要全職訓練?」

我地唔係講緊要跑2:30、2:24果啲時間,因為我地講緊要跑2:18 果啲時間,我們就一定要由呢一刻開始。

我已經22歲了,已經好老了---我呢句野是認真的,我呢個起步點已經太遲了

「有時候生活都唔到我地控制……..」

我們兩個立場都是正確的,只是視野的角度各不同。所以,我從來無係負面角度諗野。反之,我係從正面角度睇。因為我心存希望,即使知道機會渺茫。

從來無人否決、無視業餘運動員追夢成功的可能性,但如果有可能「趁後生」,點解唔「趁後生」?係唔係到老左先去後悔?

「趁後生」三個字已經解釋曬所有野。唔係話30歲之後唔得,係相對少例子。不少人30歲前大傷,從此不復當年勇。

一句”age is just a number” 係好感動,係好動人,但理性啲諗,age is not just a number,如果35歲前試過都唔得,35歲後就更加唔洗諗!基比沙拉斯做既成績,唔係叫成績,而係叫奇蹟,或者神蹟。

所以,我好希望為自己解釋:我從來無負面過,我係因為正面,所以先希望發出自己既聲音。話比《蘋果日報》聽自己既想法,都係想有一絲希望有企業走出黎,就算唔係幫我都好,幫下其他頂尖運動員。

我覺得我既聲音發左出黎,未必有用,但最少我講左出黎,希望有人受惠。

==========================

「在重視經濟發展的香港做運動員的確唔容易,媽媽一直不太支持,說跑步能當飯食? 只可以說是比較困難,但夢想就是要想,希望大家繼續為我及其他香港年青選手打氣」-----香港渣馬華人第一,魏賡

好開心見到幾年前必達體育會開始成立基金幫助徐志堅,慢慢發展到今時今日用基金幫助埋魏賡,係必達體育會既有心人,係呢片乾枯既沙漠上播種。

夢想就是要想,要做成功既運動員,第一步先要有野心,緊接著第二步就係勤力實踐。如果連想都唔敢想,成功會自然找上門嗎?

多謝徐志堅同魏賡,佢地兩個人都示範左,冥冥中,在一定程度上,生活係可以由自己控制的。

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s