備戰海外馬拉松十三問.13. Dennis Lui

Runner’s World有一個專欄叫I’m a Runner,每期都請來自各界別的跑步人,用QA的方式分享跑步心得。本站的興趣是海外馬拉松,我們也會於每星期「I’m a Runner」(海外馬版)專欄,邀請各路友好分享外國跑馬的心得和經驗。

今期受訪者是資深跑友Dennis Lui。他先後完成多場在香港及海外馬拉松比賽,包括大阪、金沢、京都、神戶、首爾、柏林、倫敦等,也是首位香港人當選名古屋女子馬拉松禮服男成員(おもてなしタキシード隊),為2017年完賽選手頒發完賽紀念頸鍊。

他深信馬拉松並不是一個人的運動;認識及擁有一班摯友是馬拉松當中最大的收穫。馬拉松個人最佳時間:2小時51分49秒

Q1: 選擇海外比賽有甚麼準則?
其實無咩準則,最重要都係視乎比賽地點同埋日期。心態上都係俾一個藉口自己去一次旅行,不過有一日要早D起身比賽啫…

Q2: 出外跑馬一定會帶甚麼東西?
咁又無咩特別嘢會帶,裝備其實同喺香港比賽差不多。不過會帶定多一兩件衫,長袖、短袖、背心都有,睇吓比賽當日天氣情況再決定著咩。比賽最緊要係對跑鞋,所以對鞋唔會寄倉,會同跟身行李一齊上飛機。

Q3: 會選擇甚麼住宿?
通常以酒店為主。交通要方便,可以瞓多一陣先去起點,跑完之後又可以快D返去沖涼。

Q4: 賽前一晚會吃甚麼?
加碳mode,就緊係咩都食啦。正常三餐外,最鍾意一路行一路食麵包,見到有咩嘢想食就會食。

Q5: 賽前一夜,有沒有幫助入睡的獨門秘方?
無!因為99%都係瞓唔到(香港同外國都係);好彩嘅話會瞓到一陣,不過好易醒。

Q6: 比賽當日早餐會吃甚麼?
非常簡單 — 花生醬搽麵包,同埋香蕉;一路食住去起點。

Q7: 比賽的隨身裝備有甚麼?
隨身只有最基本嘅裝備:手錶、手帶用嚟check時間,gel就用嚟救命。

Q8: 寒冷天氣比賽對策
一係就著舊衫(起步前可以回收);一係就垃圾袋加暖包。最緊要對手襪!

Q9: 比賽中途撞牆怎麼辦?
兩個字:死頂。總之就叫自己一路頂住,千祈唔好停,因為一停咗就唔想再跑,跟住就會問自己點解要咁辛苦…

Q10: 賽後如何恢復?
Zzz Zzz… 瞓覺係最好嘅復原方法。如果去日本比賽的話,跑完嗰晚就會去錢湯,沖個靚涼,浸個熱水浴,之後再飲罐啤酒或者飲盒牛奶。

Q11: 最好的跑馬經驗
其實有好多… 不過,早前跑完嘅倫敦馬拉松就真係無得輸!氣氛好正,無得頂!沿途真係有好多市民出嚟為跑手打氣,有D路段仲多人到企埋出去跑道,不停聽到 “You guys are doing great! You guys are amazing!” 賽道安排得好好,途經好多地標,點會諗過可以喺Tower Bridge上面跑、最後一段路沿North Bank跑,一路望住大笨鐘一路邁向終點、終點前仲可以係白金漢宮前面狂奔!超正!

個人建議大家可以考慮印你個大名係件衫,或者寫個名係號碼布上面,因為沿途D市民除咗觀戰外,佢哋真係會喪嗌你個名 – 依D咪就係真・打氣!

Q12. 最差的跑馬經驗
咁又無喎,個人覺得曾經參加過嘅海外馬嘅安排和配套都做得好好。

Q13. 你的初海外馬是那一個?會否推薦給新手做初馬?
2013年嘅大阪馬拉松,小弟前後跑過大阪馬三次。首先日本已經無得輸,而且大會由賽前資訊、EXPO、比賽當日嘅安排都好好。比賽地點方便、賽道多平路、大人細佬都出嚟打氣、沿途又多補給(大會同民間自發都有);如果有朋友或者屋企人一齊去,仲可以用大會App追蹤你,沿途為你加加油。

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s