Runner’s World有一個專欄叫I’m a Runner，每期都請來自各界別的跑步人，用QA的方式分享跑步心得。本站的興趣是海外馬拉松，我們也會於每星期「I’m a Runner」（海外馬版）專欄，邀請各路友好分享外國跑馬的心得和經驗。
本周介紹的跑友是Elza，她自稱為－名怪鷄熟齡女子, 於某日發現去旅行參加跑賽事係一件好似好型的事，自我感覺良好，從此走上不歸路。雖然不愛跑步 (實在太悶啦！)，但為了比賽，都會迫自己練跑，典型懶散慢龜－隻。
她於2010年開始旅跑，由十公里開始。2015開始跑旅跑全馬，讓大家看看她小小的CV :
2015
東京
越南硯港
福岡
2016
京都
東京(係，又抽中)
布拉格
柏林
台灣田中
2017
熊本
韓國慶州
克羅地亞
臺南星光馬
Q&A:
Q1：選擇海外比賽有甚麼準則?
答：對於我這種貪求享樂的慢龜,會先考慮比賽時限，其次為沿途有無風景，多不多野食。
Q2：出外跑馬一定會帶甚麼東西?
答：跑鞋，盡可能跟身手提行李。其他衫褲無咗可以當地買，要穿新鞋跑馬未免太冒險了。
Q3：會選擇甚麼住宿?
答：便宜和近起點,日本的Toyoko Inn是我多年的好朋友。
Q4：賽前一晚會吃甚麼?
答：我又唔係做時間，飲食正常就可以。但唔會試食古怪或難消化(如牛扒) 食物。
Q5：賽前一夜，有沒有幫助入睡的獨門秘方?
答：無辦法，都慣咗賽前興奮瞓唔著。
Q6：比賽當日早餐會吃甚麼？
答：通常會食兩個麵包先上路。除非係日本馬,唔食飽會途中肚餓無力跑。
Q7：比賽的隨身裝備有甚麼?
答：電話，headset (又會比人鬧跑步聽歌), 救命錢和紙巾
Q8：寒冷天氣比賽對策?
答：其實只是等起跑時最難頂，我通常會著－件舊外套(方便起跑時棄掉), 將暖包放入手套內就可以捱得過。
Q9：比賽中途撞牆怎麼辦?
答：無啦。我哋呢種慢龜類兩脚動物有幾何撞牆呀？通常只是跑得太累，可以停－停，留意附近的靚仔，休息一會，食下gel捱埋佢。
Q10：賽後如何恢復？
答：即日浸熱水浴或温泉，可以的話，第二日會單車郊遊，放鬆肌肉。
Q11：最好的跑馬經驗?
答：初馬如初夜，更何况係東京馬。鄉下仔第－次跑馬拉松，無數陌生人為我打氣和大量美食補給，感覺猶如sub 3 精英－樣，以為自己好勁好受歡迎。
Q12：最差的跑馬經驗?
答：說好的櫻花呢？沿途已開花的，只得十數棵。(扣10 分)
作為慢腳，通常最後幾個水站只剩小量食物，我認命。(再扣5 分)
但跑完全馬，韓妹跟我講全馬牌派完，問我半馬牌要唔要!？(全部分扣晒)。
在個－刻，慢龜都變癲馬，－眾癲馬發難，經過－輪擾攘無甚進展。－個多小時後大家正準備離開會場再同大會事後跟進，大會幾個寵寵寵，突然找到一盒全馬牌比大家，事件才得以平息。
Q13：你的初海外馬在那裡? 會否推薦給新手做初馬?
答：東馬未必係最好,但絕對唔會令你失望。
馬拉松 看世界／Run the World 